Құрылыс қатаң бақыланады

Бұл тек құжаттық кемшілік емес, ең алдымен адам өмірі мен қауіпсіздігіне төнген тікелей қауіп. Осы мәселе облыс әкімдігінде өткен арнайы жиында кеңінен талқыланып, жауапты тұлғаларға нақты тапсырмалар берілді.

Жиында мәлім болғандай, бү­гін­де Түркістан облысында жаңа­дан салынып жатқан 469 құрылыс ны­санында түрлі заңбұзушылық анық­тал­ған. Соның салдарынан жауапты тұл­ға­лар мен мердігер ұйымдарға 325 мил­лион теңге көлемінде айыппұл салын­ған. Бұл – заңсыздықтың жай ғана ста­тистикасы емес, саладағы жүйелі ол­қылықтың айқын көрінісі. Ең сора­қы­сы, 40 нысанның құрылысы заң та­лап­тарына мүлде сай келмегендіктен, олар­ды мәжбүрлеп бұзу туралы шешім қа­былданған. Қыруар қаржы жұмсалып, бой көтерген ғимараттардың енді жер­мен-жексен болу қаупі –жауапсыздық­тың нақты салдары.

Қазір облыс аумағында 1 722 құры­лыс нысанының құрылысы жүріп жа­тыр. Оның барлығы мемлекет бақы­лауы­на алын­ған. Бұл – жай формалды ба­қылау емес, әр кірпішке дейін есепке алынуға тиіс жауапты процесс. Облыс әкімі Нұралхан Көшеров жиында бұл мә­се­леге ерекше тоқталды. Облыс бас­шы­сы заңсыз салынған әрбір нысан тек құ­рылыс нормаларын бұзу емес, мем­ле­кеттік жоспарлауға, аймақтың сәу­лет­тік келбетіне және құрылыс сая­са­ты­на қар­сы жасалған әрекет екені айт­ты. «Заң­сыз құрылыс – адам өміріне төн­ген қауіп. Бүгін көз жұма қараған ол­қылық ертең орны толмас өкінішке ай­налуы мүмкін», – деді аймақ басшы­сы.

Сонымен бірге, облыс әкімі тәр­тіп­ті күшейтеміз деп бюрокра­тия­­­ны көбейтуге жол бермеу керек еке­­нін қадап айтты. Себебі қарапайым тұр­­ғындар айлап, тіпті жылдап құжат жи­­нап, табалдырық тоздыруға мәжбүр бол­­мауға тиіс. Заң бар жерде тәртіп те, әділ­­дік те қатар жүруі керек. Алайда кей­­бір аймақтарда, әсіресе шекаралық, де­­малыс және рекреациялық аумақ­тар­да өз бетінше құрылыс салу деректері жиі­­леп кеткен. Мұндай аумақтар ерек­ше қорғалатын аймақтар, онда бей-бе­рекет құрылыс салу экологияға, табиғи те­пе-теңдікке орасан зиян келтіреді. Облыс әкімі бұл бағытта қатаң тыйым салынатынын ашық айтты.

Енді заңсыз құрылыс анықталған жағдайда тек мердігерлер ғана емес, ауыл, аудан әкімдері мен салаға жауап­ты шенеуніктер де жауапкер­шілік­ке тартылады. Мәселенің ушығып тұр­ғанын тағы бір дерек дәлелдейді. 2025 жылдың өзінде бюджет қаржысы есебінен салынып жатқан 100 құрылыс ны­санында заңбұзушылық анықталған. Со­ған байланысты 121 әкімшілік хатта­ма толтырылып, 103 миллион теңге айып­пұл салынған. Бұған қоса, талапты өрес­кел бұзған кейбір құрылыс ком­па­ния­­ларының лицензиялары бойынша же­ке­леген жұмыс түрлері уақытша тоқ­та­тылған. Бұл – мемлекет тарапынан жа­са­лып отырған нақты әрі қатаң қа­дам. Себебі сапасыз, заңсыз салынған әр ғимарат болашақта апатқа, адам шы­ғынына, миллиардтаған шығынға алып келуі мүмкін.

Қорытындылай айтқанда, Түркістан облысында құрылыс саласында тәртіп ор­нату кезеңі басталды. Бұл – тек тек­серу мен айыппұл емес, жауапкершілік мә­дениетін қалыптастыруға бағыт­тал­ған шешуші қадам. Заңсыздыққа көз жұ­ма қарау тоқтайды. Ал заңды, сапалы, қауіпсіз құрылыс өңір дамуының басты ке­пілі болмақ.

Назгүл НАЗАРБЕК,

Түркістан облысы