Қыздың мәйіті септиктен табылды? Атыраудағы трагедияға қатысты ел күтпеген қорқынышты хабар тарады

Атырау облысының Қызылқоға ауданына қарасты Жангелдин ауылында тіркелген ауыр қылмысқа байланысты тергеу шаралары жалғасып жатыр. Ерлі-зайыптының қаза табуы және отбасының тағы екі мүшесінің хабар-ошарсыз кетуі қоғамда үлкен алаңдаушылық туғызды. Мәйіттер табылған соң, тергеу назарын марқұмдардың күйеу баласына аударғанымен, іс бойынша ресми органдар әзірге толық мәлімет берген жоқ, деп хабарлайды Arasha.kz.

Резонансты оқиғаға қатысты соңғы деректерді "Ақ Жайық" басылымы жария етті. Тергеу материалдарына сәйкес, күдікті ерлі-зайыптыларды қасақана өлтіріп, кейін қылмыс ізін жасыруға тырысқан болуы мүмкін. Қаза тапқандардың денелері ауладағы шаруашылық мақсаттағы құрылыстан табылған.

Бұған дейін әлеуметтік желілерде Мирамгүлдің мәйіті Геолог шағын ауданындағы септиктен табылды деген ақпарат тараған еді. Алайда бұл дерек расталмады. Полиция аталған аумақта тінту жүргізіп, іске қатысы бар бірқатар заттарды тәркіледі.

Сонымен қатар Наурыздың ұялы телефоны Өзбекстан аумағында сигнал бергені ресми түрде нақтыланды. Алдын ала мәліметтерге сәйкес, оның одан кейінгі қозғалыс бағыты Малайзия арқылы Индонезияға жалғасуы мүмкін.

Қазіргі таңда жедел-іздестіру және тергеу жұмыстары жалғасып жатыр. Ресми құрылымдар іс бойынша қосымша ақпаратты әзірге жариялаған жоқ.