Түркістанда құны 600 млн доллар болатын тыңайтқыш зауыты салынады

АСТАНА, 17 шілде – Sputnik. Қытайдың Xinjiang Lihua Investment Holding компаниясы Қазақстанның оңтүстігінде жаңа жобалардың құрылысына 600 миллион доллар инвестиция салуды жоспарлап отыр, деп хабарлайды AПК жаңалықтары ақпараттық агенттігі.

Компания соңғы екі жылда Түркістан аймағына 500 миллион доллар инвестиция салған. 52 000 гектар мақта алқабын игеріп, мақта өсіруден бастап жіп иіруге, тоқу, бояу және киім өндіруге дейінгі толық өндіріс тізбегін құрды.

"Алдағы уақытта біз мақта өсіру алаңын және тоқыма өндірісі тізбегінің ауқымын арттыруды жоспарлап отырмыз. Сонымен қатар, тыңайтқыштардың тапшылығын жою және Қазақстандағы бар олқылықты толтыру үшін мочевина мен күрделі тыңайтқыштар шығаратын зауыт салуды жоспарлап отырмыз", - деді компания басшысы Чжан Цихай.

Бұл мақсатқа 600 миллион доллар жұмсауды көздеп отырмыз, деді қытайлық компания басшысы.