ЖРВИ және тұмау өршіді: Қазақстанның қай өңірлерінде мектеп оқушылары қашықтан оқуға көшті

Министрліктің баспасөз қызметі хабарлағандай, 2 желтоқсан жағдайы бойынша елдің 13 өңіріндегі 663 мектептің 6784 сыныбы қашықтықтан оқуға ауыстырылған:

Қостанай облысы – 167 мектеп, 2727 сыныпСолтүстік Қазақстан облысы – 64 мектеп, 247 сыныпҰлытау облысы – 15 мектеп, 93 сыныпМаңғыстау облысы – 1 мектеп, 1 сыныпАқмола облысы – 58 мектеп, 268 сыныпБатыс Қазақстан облысы – 3 мектеп, 6 сыныпЖамбыл облысы – 20 мектеп, 986 сыныпАстана – 46 мектеп, 462 сыныпШығыс Қазақстан облысы – 119 мектеп, 1034 сыныпАбай облысы – 48 мектеп, 299 сыныпҚарағанды облысы – 47 мектеп, 260 сыныпАтырау облысы – 18 мектеп, 94 сыныпПавлодар облысы – 57 мектеп, 307 сынып

Министрлікте түсіндіргендей, қашықтан оқыту келесі жағдайларда жүргізіледі:

әкімшілік-аумақтық бірліктерде төтенше жағдай, шектеу шаралары немесе карантин енгізілген кезде;қолайсыз ауа райы мен метеожағдайлар салдарынан төтенше жағдай жарияланған жағдайда;оқушының денсаулығына қатысты дәрігерлік комиссия қорытындысы бар болса;халықаралық немесе республикалық оқу-жаттығу жиындары, спорттық жарыстар, интеллектуалдық және шығармашылық байқаулар мен фестивальдарға қатысу кезінде;ата-аналар немесе заңды өкілдердің өтініші бойынша.

"Қашықтан оқыту – оқу процесінің бір бөлігі болып табылады, жоғарыда аталған жағдайларда мәжбүрлі оқу түрі ретінде қарастырылады және қажет болған жағдайда оқушыларға ұсынылады", – делінген баспасөз хабарламасында.

Сонымен қатар, министрлік хабарлағандай, санитарлық дәрігердің 2025 жылғы 22 тамыздағы қаулысына сәйкес, 2025–2026 оқу жылында эпидемиялық кезеңде мектептерді "қашықтыққа" көшіру келесі жағдайларда қарастырылған:

бір инкубациялық кезеңде оқушылардың 20–30%-ында ЖРВИ тіркелсе, мектепте кабинет жүйесі тоқтатылады және жаңа оқушыларды сыныпқа қабылдау 10 күнге шектеледі;бір инкубациялық кезеңде 30% және одан көп оқушы ЖРВИ жұқтырса, сынып онлайн оқуға көшіріледі.