Екі есе жоғары жалақы: неге қазақстандық мамандар Өзбекстанға кетіп жатыр?

ЖИ арқылы жасалған сурет

Қазақстанда еңбек көші-қонының бағыты өзгеріп келеді — мамандар алыс шетелге емес, көрші Өзбекстанға жиі қоныс аударуда, деп хабарлайды Digital Business..

Экономистердің айтуынша, Өзбекстан соңғы жылдары қарқынды реформалар жүргізіп, қазақстандық қаржыгерлерді, ІТ-мамандарды, HR-менеджерлерді және орта буын басшыларын тарта бастады.

Негізгі себеп — жалақы. Орта есеппен қазақстандық мамандардың табысы Өзбекстанда 50–100%-ға артады, кей жағдайларда екі есеге дейін өседі. Көптеген жұмыс берушілер қосымша тұрғын үй жалдау шығындарын да өтейді. Кәсіби фактор. Мамандар күрделі жобаларға қатысуға және қарқынды дамып жатқан нарықта тәжірибе жинауға мүмкіндік алады. Халықаралық тәжірибе. Жұмысшылардың жартысына жуығы Өзбекстанды шетелдік мансапқа шығатын «трамплин» ретінде қарастырады.

Сонымен қатар, олар бюрократия, бизнес-ортаның жеткілікті дамымауы және корпоративтік мәдениеттегі айырмашылықтар сияқты қиындықтарға тап болады. Дегенмен, жоғары жалақы бұл кемшіліктерді жиі өтейді.

Сарапшылардың айтуынша, қазірдің өзінде Өзбекстанда 1000-ға жуық қазақстандық маман жұмыс істейді. Негізгі ағын ІТ, қаржы, HR және сату салаларына тиесілі. Бұл жағдай Қазақстандағы басқарушылық буынның әлсіреуіне және компаниялардың бәсекеге қабілеттілігінің төмендеуіне әкелуі мүмкін.

Бүгін, 18:30