Ерлан Ақкенженов Көмір генерациясын дамыту жобасынан күтілетін нәтижелерді атады

Оның айтуынша, «Көмір генерациясын дамыту» ұлттық жобасын іске асыру аясында көмір генерациясының экологиялығын және тиімділігін арттыруға бағытталған «таза көмір» технологиясын қолдануға аса назар аударылылады. Бұл бағытта пайдалы іс-қимылдың жоғары коэффициентін және үлестік шығарындыларды азайтуды қамтамасыз ететін озық технологиялық шешімдерді пайдалана отырып, тиімділігі жоғары көмір электр станцияларын салу көзделеді.

— Сонымен қатар қатты бөлшектерді және ауыр металдарды ұстай отырып терең сүзгілеу технологияларын қоса алғанда, түтін газдарын тазартудың заманауи жүйелерін енгізу қамтамасыз етіледі. Бұл қоршаған ортаға теріс әсерді едәуір азайтуға мүмкіндік береді. Көмірді газдандыруды дамыту жеке перспективалы бағыт саналады. Бұл көмір ресурстарын барынша экологиялы пайдалану үшін мүмкіндіктер ашады. Аталған шараларды іске асыру көмір генерациясының сапалы жаңа технологиялық деңгейге өтуін қамтамасыз етуге, оның бәсекеге қабілеттілігін арттыруға және экономикалық даму мен экологиялық талаптар арасындағы тепе-теңдікті қамтамасыз етуге мүмкіндік береді, — деді министр.

Ерлан Ақкенженовтің мәліметінше, ұлттық жобаны іске асыр мынадай нәтижелерге қол жеткізуге мүмкіндік береді:

— негізгі өндіруші жабдықтың тозу деңгейі төмендеп, энергия жүйесінің сенімділігі артады;

— көмір электр станцияларында ластаушы заттар шығарындылары 34 пайызға қысқартылады;

— саланың экологиялық тұрақтылығы қамтамасыз етіліп, «таза көмірдің» заманауи технологиялары енгізіледі;

— көмір электр станцияларының энергия тиімділігі арттырылады және электр энергиясын өндіруге жұмсалатын үлестік шығындар азаяды;

— жаңа жұмыс орындары құрылып, сондай-ақ өнеркәсіптік және ілеспе инфрақұрылымы дамытылады. 

Айта кетелік Қазақстан көмірі қай елдерге экспортталатыны туралы жазған едік.