Уиткофф Украина мәселесі бойынша еуропа елдерімен келіссөз жүргізді

АСТАНА, 1 қаңтар – Sputnik. АҚШ президентінің арнайы өкілі Стивен Уиткофф еуропа елдерімен Украинаға арналған қауіпсіздік кепілдіктерін талқылады.

"Біз Дональд Трамп бастамашылық еткен бейбітшілік процесі аясындағы пікірталастарды ілгерілетуге, соның ішінде қауіпсіздік кепілдіктерін күшейтуге және соғысты тоқтатуға әрі оның қайта басталуына жол бермеуге көмектесетін алдын алу тетіктерін әзірлеуге назар аудардық", – делінген мәлімдемеде.

Уиткоффтың айтуынша, сондай-ақ қақтығыстан кейін Украинаны қолдауға арналған шаралар пакеті де қарастырылған.

Келіссөзге АҚШ мемлекеттік хатшысы Марко Рубио, Трамптың күйеу баласы, кәсіпкер Джаред Кушнер, Ұлыбританияның ұлттық қауіпсіздік жөніндегі кеңесшісі Джонатан Пауэлл, Франция президенті Эммануэль Макронның кеңесшісі Эммануэль Бонн, Украина ұлттық қауіпсіздік және қорғаныс кеңесінің хатшысы Рустем Умеров, сондай-ақ Германия канцлерінің сыртқы саясат және қауіпсіздік саясаты жөніндегі кеңесшісі Гюнтер Заутер қатысты.