Украина шабуылдарына байланысты 4,7 мың қылмыстық іс қозғалды Ресей тергеу комитеті

АСТАНА, 1 сәуір – Sputnik. Ресей тергеу комитетінің төрағасы Александр Бастрыкин Украина қарулы күштерінің шабуылдарына байланысты қақтығыс аймағынан тыс орналасқан Ресейдің 51 өңірінде 4,7 мыңнан астам қылмыстық іс қозғалғанын мәлімдеді.

"Артиллериямен және зымыранмен атқылау, сондай-ақ ұшқышсыз ұшу аппараттарын қолдану фактілері бойынша 4 746 қылмыстық іс қозғалды. Бұл істер қақтығыс шекарасынан тыс орналасқан Ресей Федерациясының 51 субъектісін қамтиды, сондай-ақ 2024 жылғы тамызда Ресей аумағына басып кіруге қатысты істер де бар. Салдарынан 1 249 бейбіт тұрғын қаза тауып, 5,7 мыңнан астам адам жарақат алған", – деді ол.

Бастрыкин сондай-ақ Еуропа елдері Украинаға қаржылай көмек көрсетуге және қару-жарақ жеткізуге әуел бастан қатысып келе жатқанын айтты.

"Онда шешім қабылдайтындар өздерінің іс жүзінде Киев режимінің Ресей азаматтарына қарсы жасап жатқан қылмыстарына ортақтас екенін түсінбеуі мүмкін емес. Мұнда Донбасс тұрғындарына қарсы агрессия ғана емес, шекара маңындағы аймақтардағы бейбіт нысандарға жасалған шабуылдар туралы да айтылып отыр", – деді Ресей тергеу комитетінің басшысы.