Жоғары лауазымды полицейге қатысты сотқа дейінгі тергеп тексеру жүргізіліп жатыр

Ішкі істер министрлігі Есірткі қылмысына қарсы іс-қимыл комитетінің төрағасы Данияр Мейірханға қатысты сотқа дейінгі тексеру басталғанын хабарлады. Тексеру кезінде ол қызметінен шеттетілді, деп хабарлайды Tengrinews.kz тілшісі.

Ішкі істер министрлігі Есірткі қылмысына қарсы іс-қимыл комитетінің төрағасы Данияр Мейірханға қатысты сотқа дейінгі тексеру басталғанын хабарлады. Тексеру кезінде ол қызметінен шеттетілді, деп хабарлайды Tengrinews.kz тілшісі.

Қазақстан ішкі істер министрінің орынбасары Санжар Әділов әрбір өтініштің мұқият зерделенетінін айтты.

"Өздеріңізге мәлім, кез келген өтініш жан-жақты зерттелуге тиіс. Қызметкерлердің арызы бойынша Данияр Мейірханға қатысты толық әрі объективті тексеру жүргізіледі", - деді ол.

Журналистер тексерудің сипаты қандай екенін нақтылап сұрады. Әділов бұл істің сотқа дейінгі процестік тексеру екенін жеткізді.

Еске сала кетейік, бұған дейін Данияр Мейірханға қатысты қылмыстық іс қозғалғаны туралы ақпарат тараған болатын.

Данияр Мейірхан - полиция полковнигі. 2012-2022 жылдар аралығында Оңтүстік Қазақстан облысы полиция департаментінде бөлім бастығынан бастап басқарма бастығына дейінгі басшылық лауазымдарда қызмет атқарды.

2023 жылдан 2024 жылға дейін ІІМ Қостанай академиясында бөлім бастығынан бастап академия бастығының орынбасарына дейінгі қызметтерді атқарды.

2024 жылдың қыркүйегінен бастап - ІІМ Есірткі қылмысына қарсы іс-қимыл комитеті төрағасының орынбасары.

2024 жылдың желтоқсанынан бастап - Есірткі қылмысына қарсы іс-қимыл комитеті төрағасының міндетін атқарушы.

2025 жылдың қыркүйегінен бастап - ІІМ Есірткі қылмысына қарсы іс-қимыл комитетінің төрағасы.