Жүрегі ұстап қалған: Көкшетауда көл жағасында зейнеткердің мәйіті табылды

Көкшетаудағы Қопа көлінің жағасында зейнеткердің мәйіті табылды. Алдын ала мәлімет бойынша, ер адам суға түсіп шыққаннан кейін жүрегі ұстап, бірден көл жағасында көз жұмған, деп хабарлайды Aikyn.kz порталының тілшісі.

Оқиға 9 шілде күні таңертең болған. Куәгерлер Көкшетау қаласындағы Қопа көлінің жағасынан зейнеткердің денесін тауып, тиісті қызметтерге хабар берген.

Белгілі болғандай, марқұм жүрек-қан тамырлары ауруына байланысты дәрігерлердің бақылауында тұрған. Алдын ала мәлімет бойынша, ол көлге түсіп, кейін жағалауға шыққан. Дәл сол жерде жүрегі ұстап, қайтыс болған.

– Бұл дерек бойынша Көкшетау қалалық Полиция басқармасында тіркеу жүргізіліп, оқиғаның мән-жайын анықтау мақсатында тексеру басталды, – дейді Ақмола облысы полиция департаментінің баспасөз қызметінен.

Айта кетейік, Ақмола облысында жазғы маусым басталғалы бері су айдындарында болған түрлі оқиғалардан оннан астам адам көз жұмған.

Абзал АЛПЫСБАЙҰЛЫ, 

Ақмола облысы