Отбасы банк Астанадағы жаңа деректер орталығына көшті

Отбасы банк сервистерінде байқалған уақытша техникалық ақаулар Алматыдан Астанаға деректерді өңдеу орталығын көшіру жұмыстарына байланысты болған, деп жазады Egemen.kz.

Банк мәліметінше, 2025 жылдың 31 желтоқсаны мен 2026 жылдың 2 қаңтары аралығында қаржы жылын жабу рәсімдері жүргізілген. Ал 3 қаңтар күні сағат 03:00-де негізгі деректерді өңдеу орталығының есептеу қуаттарын көшіру бойынша жоспарлы техникалық жұмыстар басталған. Мұндай жұмыстар сервистердің тоқтап қалуын барынша азайту үшін демалыс күндеріне әдейі жоспарланған.

Көшіру аясында 40 сервер, 10 деректерді сақтау жүйесі, 6 желілік құрылғы және 10 технологиялық жабдық сөресі Астанаға жеткізілген. Жабдықтарды тасымалдау жұмыстарын банк қызметкерлері өз күшімен атқарған. Мердігер компаниялар тартылмаған, бұл шығындарды оңтайландыру және қаражатты үнемдеу мақсатында жасалған.

Суық мезгілде жеткізілген серверлік және дискілік жабдықтар алдымен арнайы орындарға орналастырылып, нормативтік температуралық режимге жеткеннен кейін ғана монтаждау жұмыстары басталған. Іске қосу кезең-кезеңімен жүргізіліп, әрбір жүйе бойынша қосылымның дұрыстығы, жұмыс тұрақтылығы және деректердің тұтастығы мұқият тексерілген.

Бастапқы жоспар бойынша барлық жүйе 5 қаңтар күні сағат 09:00-ге дейін толық іске қосылуы тиіс болған. Алайда қосымша баптау мен тексеру қажеттілігіне байланысты бұл процесс ұзартылған. 5 қаңтар сағат 15:00-дегі жағдай бойынша Colvir автоматтандырылған банктік ақпараттық жүйесі, төлем жүйелері, BPM, BPM 2.0, CRM, 300 нөмірі арқылы кіріс қоңырауларын өңдеу жүйесі және бірқатар негізгі ішкі ақпараттық жүйе қайта іске қосылған.

Қазіргі уақытта цифрлық қызмет көрсету арналары кезең-кезеңімен қалпына келтіріліп жатыр. Банк барлық маңызды ақпараттық жүйені толық іске қосып, қалыпты жұмыс режиміне көшу жоспарын жалғастыруда. Жүйелердің жұмыс қабілеті тұрақты бақылауда, деректердің жоғалуы немесе ақпараттық қауіпсіздікке қатысты елеулі тәуекелдер тіркелмеген.

Сонымен қатар банк клиенттеріне қатысты жеңілдік шараларын да қарастырған. 2026 жылдың 1–6 қаңтары аралығына жоспарланған кредиттік төлемдерді 7 қаңтар сағат 20:00-ге дейін төлеуге мүмкіндік берілген. Бұл төлемдер мерзімі өткен берешек ретінде есептелмейді, өсімпұл салынбайды және ақпарат кредиттік бюроларға жіберілмейді.

Соңғы жаңалықтар

Астанада жеңіл көлік автобус аялдамасына соғылды

Елорда • Бүгін, 23:23

Полиция: Маңғыстауда 362 нөміріне қатысты дүрбелең жоқ

Қоғам • Бүгін, 22:57

Астана мен еліміздің 16 өңірінде дауылды ескерту жарияланды

Ауа райы • Бүгін, 22:33

Сарапшылар 2026 жылы ең сұранысқа ие мамандықтарды атады

Жұмыс • Бүгін, 22:17

Жаңа жыл түніндегі жанжалдың соңы кісі өлімімен аяқталды

Қылмыс • Бүгін, 21:59

Павлодарда ауыл тұрғындары тағы бір аққуды құтқарды

Табиғат • Бүгін, 21:33

ТЖМ тікұшағы кішкентай нәрестені орталық ауруханаға шұғыл жеткізді

Денсаулық • Бүгін, 21:19

Мадуро Нью-Йорктегі федералды сотқа жеткізілді

Әлем • Бүгін, 20:55

Педагогтардың 82%-ы қазіргі қоғамда ұстаз еңбегінің бағаланатынына сенімді

Білім • Бүгін, 20:35

Депутат: Халықтың қартаюы болашақ мәселесі емес, бүгінгі күннің шындығы

Партия • Бүгін, 20:15

Шығыс Қазақстанда руда базасы сарқылып жатыр

Парламент • Бүгін, 19:58

Аты аңызға айналған футболшы әрі бапкер Марат Есмұратов өмірден өтті

Спорт • Бүгін, 19:42

Министрлік интернеттегі ақауға байланысты пікір білдірді

Қоғам • Бүгін, 19:17

Маңғыстауда олимпиада жеңімпаздары мен үздік спортшылар марапатталды

Білім • Бүгін, 18:55

Желтоқсан айында сәбіз, қант және жұмыртқа бағасы төмендеді

Сауда • Бүгін, 18:40

Барлық жаңалықтар