​Трамп BBC ге 1 млрд доллар көлемінде шағым түсіруі мүмкін

АҚШ президенті Дональд Трамп британдық BBC телерадиокорпорациясына қарсы 1 миллиард доллар көлемінде сот шағымын түсіруі мүмкін екенін мәлімдеді. Ол бұл шешімді BBC арнасы 2021 жылғы 6 қаңтардағы Капитолийдегі оқиғаға қатысты оның сөзін «қасақана бұрмалады» деп есептегеннен кейін қабылдаған, деп хабарлайды Коммерсантъ.

The New York Times басылымының қолына түскен хатта Трамп BBC-ден құжатты (фильмді) эфирден алып тастауды, жария түрде кешірім сұрауды және1 миллиард доллар көлемінде өтемақы төлеуді талап етеді. 

Егер бұл талаптар 14 қараша күні АҚШ шығыс уақытымен 17:00-ге дейін орындалмаса, Трамп заңды құқықтарын қорғау үшін сотқа жүгінетінін ескертті.

BBC-дің «Трамп: екінші мүмкіндік пе?» атты деректі фильмі 2024 жылғы президент сайлауының алдында жарық көрген. Онда Трамптың 6 қаңтардағы сөздері монтаждалып, көрерменге оны бүлікке тікелей шақырғандай етіп көрсетілген деген пікірлер айтылды.

The Guardian басылымы жариялаған ішкі қызметтік жазбада BBC редакциялық кеңесінің бұрынғы кеңесшісі Майкл Прескотт бұл монтажға алаңдаушылық білдірген. Ол көрерменді шатастыру қаупі бар екенін атап өткен.

Осы жағдайдан кейін BBC бас директоры Тим Дэйви мен жаңалықтар бөлімінің жетекшісі Дебора Тёрнесс отставкаға кеткен.

Бүгін, 18:36